Yaponiyanın Baş naziri Şigeru İşiba, ABŞ ilə ticarət danışıqları zamanı avtomobillərə tətbiq olunan yüksək tarifləri qəti şəkildə rədd etdiyini bildirib. O, ABŞ Prezidenti Donald Trampla müsbət münasibətləri olduğunu desə də, 25%-lik idxal vergisini “qəbulolunmaz” adlandırıb.
İşiba bildirib ki, bu rüsumlar Yaponiya avtomobil sənayesinə milyonlarla dollar zərər vurur və ABŞ istehlakçıları üçün də qiymətləri artırır. Yaponiya tərəfi 24%-lik cavab rüsumları ilə də üzləşir, bu da ümumi iqtisadi münasibətlərə mənfi təsir göstərir.
Yaponiya rəsmiləri bildirir ki, avtomobillər 2024-cü ildə ABŞ ilə ticarət profisitinin 81%-ni təşkil edib və İşiba bu mövzuda güzəştə getmək fikrində deyil:
“Əgər bu tarifləri aşağı sala bilməsə, siyasi karyerası ciddi təhlükə altındadır.”
Hazırda İşibanın partiyası reytinq itkisi yaşayır və parlamentin yuxarı palatasına seçkilər ərəfəsində bu məsələnin gərginliyini artırır.
ABŞ isə əgər Yaponiya başqa güzəştlər etsə, minimum 10%-lik rüsumların saxlanılması təklifini verir. Eyni zamanda, Tramp administrasiyası Yaponiyanı yenin dəyərini süni şəkildə aşağı salmaqda ittiham edir.
Mütəxəssislər isə bildirir ki, Yaponiya bu dəfə güzəştə getmək niyyətində deyil və təhlükəsizlik baxımından ABŞ-a bağlı olsa da, bu danışıqlarda ticarət balansını qorumaqda qərarlıdır.
