Bəzi ABŞ kafeləri, uzaqdan işləyənlərə (Remote) qarşı mübarizə aparmaq məqsədilə Wi-Fi əlaqəsini kəsir və noutbuk istifadəsini qadağan edir.
Bu addım, bəzi kafelərdə video zəngləri edən uzaqdan işləyənlərin sayının artması ilə əlaqəlidir. Bəzi müəssisələr isə yalnız müəyyən saatlarda və günlərdə işləməyə icazə verir. Məsələn, yalnız həftə içi iki saat və ya yalnız nahardan əvvəl və sonra işləmək imkanı tanıyırlar. Axios-a əsasən, bəziləri isə "luddite" prinsipi ilə hərəkət edir: Wi-Fi təklif etməyi dayandırır və noutbuk istifadəsini qadağan edir.
Bu qərarların səbəbləri müxtəlifdir. Bəzi sahibkarlar, uzaqdan işləyənlərin yalnız bir fincan kofe alıb saatlarla yer tutmalarından narazıdırlar, bəzi mülkiyyətçilər isə bu tədbirlərin gəliri artıracağına ümid edirlər. Həmçinin, bəziləri düşünür ki, noutbukla gələnlər, rahatlıqla istirahət etmək istəyən müştərilərin atmosferini pozur.
Lakin bu məhdudiyyətlər, bəzən mənfi reaksiyalara səbəb olur. Məsələn, Elle kafesi Wi-Fi-ni söndürdükdən sonra, burada işləməyə öyrəşmiş uzaqdan işləyənlər, pis rəylər yazmağa başladılar. Flyleaf isə noutbuk istifadəsini qadağan etdikdən sonra tənqidlərə məruz qaldı: bəzi müştərilər bunun kafedən daha çox "restoran" olduğunu bildirdilər.
2025-ci ildən etibarən, bəzi bölgələrdə Starbucks da bu cür məhdudiyyətlər tətbiq etməyə başlayıb. Artıq bu şəbəkə, heç nə almayanlara Wi-Fi əlaqəsini kəsmək, kafelərdə oturmaq və tualetlərdən istifadə etmək kimi qadağalar qoyub. WSJ-yə görə, Starbucks müştəriləri, kafelərdəki rahatlığın azaldığını və heç nə almayanların masa tutub, sifariş və tualet növbələrinə səbəb olduqlarını bildiriblər.
